Dagskráin til vors.

*Athugið að þar sem dagskrá er ávalt samin að hausti getur það  komið fyrir að dagsetningum viðburða sé hnikað til en hver viðburður er eins og við vitum auglýstur sérstaklega.  Svona er sem sagt dagskráin til vors eins og lagt var upp með sl. haust.

 

12. mars Saumafundur

24. mars Páskabingó

16. apríl  Saumafundur

8. maí   Saumafundur/lokafundur starfsvetrar.

 

 

A ð a l f u n d u r

 

Aðalfundur Kvenfélagsins Sifjar verður haldinn í Félagsheimili Patreksfjarðar miðvikudaginn 15.febrúar og hefst hann kl. 18:00.

Dagskrá:

1)  Venjuleg aðalfundarstörf

2)  Önnur mál 

 Kæru félagskonur, mætum allar og við bjóðum nýjar félagskonur velkomnar.

 Stjórnin.

 

 

 

Saumafundur.

Saumafundur  mánudagskvöldið 6.febrúar kl. 20:00 í íbúðinni okkar  Björkinni.

  Sjáumst hressar , kaffi og með'í

Bergrún og Lóa

 

Kvenfélagskonur, til hamingju með daginn.

Tekið af vef Kvenfélagasambands Íslands www.kvenfelag.is:

1. febrúar er Dagur kvenfélagskonunnar. Dagurinn, sem er stofndagur Kvenfélagasambands Íslands, var formlega gerður að degi kvenfélagskonunnar á 80 ára afmæli KÍ  árið 2010 .
Var það gert til að vekja athygli á miklu og óeigingjörnu starfi kvenfélagskvenna um árabil og löngu tímabært að kvenfélagskonur fengju sinn eigin dag á dagatalinu.
Dags kvenfélagskonunnar er getið á fjölmörgum dagatölum og í dagbókum og Kvenfélagasamband Íslands vekur athygli á deginum í fjölmiðlum til að festa hann enn frekar í sessi.Kvenfélög og kvenfélagskonur eru hvattar til að muna eftir deginum og jafnvel gera sér dagamun hver og ein eða saman, en einnig að vera tilbúnar til að taka á móti hamingjuóskum og athygli þennan dag.
Kvenfélagasamband Íslands verður með opið hús í Kvennaheimilinu Hallveigarstöðum, Túngötu 14, kl. 16.30 - 18.30  þann 1. febrúar
 
Hópur kvenna hefur um nokkurt skeið unnið að stofnun nýs kvenfélags í Reykjavík sem stofnað verður á Hallveigarstöðum þennan dag.
Hefst stofnfundur þess kl. 17.15 og geta þær konur sem þess óska gerst stofnfélagar á fundinum.
Allir velkomnir á meðan húsrúm leyfir

Þorrablót 21. janúar.

 

 

Kvenfélagið  Sif

heldur sitt árlega   Þorrablót  í Félagsheimili Patreksfjarðar laugardaginn  21. janúar 2012

Stuðhljómsveitin  FESTIVAL    leikur fyrir dansi.

Húsið opnar kl. 19:30   Borðhald hefst kl. 20:00

Áskriftarlistar liggja frammi  í , Albínu  og Fjölval til
kl. 18:00 miðvikudaginn 18. janúar.

Miðaverð   kr.  7.000,- (Visa-Euro)

Miðar verða seldir í félagsheimilinu föstudaginn
20 janúar frá kl. 19:00-20:00
Ekki verða tekin frá borð.

Vínveitingar (bar).    Aldurstakmark 18 ára.
16 (dagurinn gildir) til 18 ára verða að vera í fylgd með foreldrum/forráðamönnum.  Foreldrar/forráðamenn bera ábyrgð á unglingum á skemmtuninni.

Mætið  á þessa  stærstu  skemmtun  ársins,  borðið  góðan þorramat og sjáið  broslegu hliðarnar á  mannlífinu.
Síðan dunar dansinn fram á nótt.


Snyrtilegur  klæðnaður

Þorrablótsnefnd

 

Saumafundur janúar 2012

Fyrsti saumafundur ársins verður í fundarsal F.H.P mánudaginn 9.jan kl. 20:00.

Mætum sem flestar og endilega þær sem vilja taki handavinnuna með.

                                                                                       Nefndin.

 

 

Jólakveðja

 

Félagskonum í Kvenfélaginu Sif, fjölskyldum þeirra og  öllum þeim sem styrkt hafa félagið á einn eða annan hátt eru sendar  hugheilar jóla og nýárskveðjur með þakklæti fyrir óeigingjarnt starf og ómetanlegan  stuðning á árinu sem senn er á enda.   

 

 

 

 

Starfssemi í nóvember og desember.

 Af óviðráðanlegum orssökum hafa skrif hér inná síðuna legið niðri en ættu nú að komast í betra horf og viðburðir skráðir eftir því sem við á.  Tengill á dagskrá vetrarins mun svo koma hér til hægri innan tíðar.

Þann 14. nóvember var haldinn saumafundur í fundarsal F.H.P .  Á fundinum voru Fanney Sif og Petrína Sigrún með kynningu á snyrtivörum og þ.h.

Í desemberbyrjun var svo haldinn jólafundur á sama stað. Þar hittust félagskonur og nutu góðra veitinga í góðum  félagsskap.  Skiptust á jólapökkum, hlustuðu á upplestur og fleira.

 Þess má geta að Þorrablótið verður að venju í janúar og hófst undirbúningur nú á haustmánuðum.

Kvöldverðarboð laugardaginn 22.október.

 

Fyrsti viðburður vetrarins hefst á því að Kvenfélagskonum er boðið til kvöldverðar ásamt maka/gesti.  

Boðið verður  haldið í Félagsheimili Patreksfjarðar laugardagskvöldið 22. október.  Húsið opnar kl. 18:30 og borðhald hefst kl. 19:00.

Búið er að auglýsa boðið á meðal félagskvenna og þær hvattar til að láta vita eigi síðar en mánudagskvöldið 17. október. 

Mætum allar  hressar og kátar á laugardaginn

Undirbúningsnefndin.

 

Minning

 

Ein af heiðursfélagskonum  Kvenfélagsins Sifjar er nú látin.  

Jóna Jóhanna Þórðardóttir fædd í Haga á Barðaströnd  þ. 4. janúar 1920  lést þ. 9. september s.l. á Heilbrigðisstofnun Patreksfjarðar.

Jóhanna eins og hún var oftar nefnd,  lét sér annt um samfélagið og studdi það dyggilega m.a. með ötulu starfi  í  félögum á Patreksfirði.  Kvenfélagið Sif naut krafta  hennar um langt árabil en hún gekk í félagið í júní 1964.  Jóhanna hugsaði hlýlega til samferðafólks síns, þar með okkar í Kvenfélaginu Sif.  Kom hugur hennar glögglega  í ljós  þegar hún hin síðari ár hafði ekki tök á að koma til árlegs þorrablóts  en lét skila til okkar og annarra gesta kveðju sem komið var á framfæri af formanni félagsins.

Stjórn Kvenfélagsins Sifjar og aðrar félagskonur þakka Jónu Jóhönnu Þórðardóttur langa og góða samfylgd  og  óeigingjarnt starf.  Börnum hennar og öðrum aðstandendum eru sendar samúðarkveðjur.  

Blessuð sé minning Jónu Jóhönnu Þórðardóttur.

                                                

Stjórn Kvenfélagsins Sifjar á Patreksfirði.